Hos 6 | NdeIBE | STEP | “Wozani sibuyele kuJehova. Usesidabule saba yizicucu kodwa uzaselapha; usilimazile kodwa uzawabopha amanxeba ethu.

Hosea 6

U-Israyeli kaphenduki

1 “Wozani sibuyele kuJehova. Usesidabule saba yizicucu kodwa uzaselapha; usilimazile kodwa uzawabopha amanxeba ethu.

2 Emva kwezinsuku ezimbili uzasivuselela; ngosuku lwesithathu uzasibuyisela ukuze sihlale lapho akhona.

3 Kasimamukeleni uJehova; kasiqiniseni ukumamukela. Ngoqotho njengoba ilanga liphuma, uzabonakala; uzakuza kithi njengezulu lebusika, lanjengezulu lentwasa elithambisa umhlaba.”

4 “Ngingenzani ngawe, Efrayimi na? Ngingenzani ngawe, Juda na? Uthando lwenu lunjengenkungu yekuseni, lunjengamazolo ekuseni anyamalalayo.

5 Ngakho ngaliqumaquma ngabaphrofethi bami, ngalibulala ngamazwi omlomo wami; ukwahlulela kwami kwaphazima njengombane phezu kwenu.

6 Ngoba mina ngifuna isihawu, hatshi umhlatshelo, lokwamukela uNkulunkulu kuleminikelo yokutshiswa.

7 Njengo-Adamu, sebesephule isivumelwano – babengathembekanga khonale.

8 IGileyadi lidolobho labantu abaxhwalileyo. Lingcolile ngezinyathelo zegazi

9 Njengezigebenga zicathamela umuntu, zenzanjalo izigangi zabaphristi; zibulala abantu emgwaqweni oya eShekemu zisenza izigemegeme ezihlazisayo.

10 Sengibone into etshaqisayo endlini ka-Israyeli. U-Efrayimi uwela khonapho lo-Israyeli ungcolisiwe.

11 “Lakuwe futhi Juda, ukuvuna sekulungiselwe. “Lapho ngingabuyisela inotho yabantu bami,